შეხვედრა იაპონიის პარლამენტის წევრთან
საქართველოს საგანგებო და სრულუფლებიანმა ელჩმა, თეიმურაზ ლეჟავამ, იაპონიის პარლამენტის წევრ სატოში ასანოსთან შეხვედრა გამართა.
შეხვედრის ფარგლებში მხარეებმა განიხილეს ქვეყნებს შორის ნაყოფიერი ურთიერთობების განვითარების პერსპექტივები. სატოში ასანომ განსაკუთრებული ინტერესი გამოხატა საქართველოს სავაჭრო-ეკონომიკური პოტენციალის მიმართ და აღნიშნა, რომ გლობალური ტენდენციების ფონზე საქართველო იაპონიისთვის მიმზიდველ პარტნიორს წარმოადგენს.