ვებ-გვერდი მუშაობს განახლების რეჟიმში
 

საქართველოს საგარეო საქმეთა სამინისტრო

 

 



27.03.2017, თბილისი - საქართველოს საგარეო საქმეთა სამინისტრო გამოხატავს მწუხარებას 2017 წლის 27 მარტს იაპონიის ქ. ნასუში (ტოჩიგის პრეფექტურა) სკოლის მოსწავლეების საგაზაფხულო სამთო სწავლების დროს ჩამოწოლილი ზვავის შედეგად გამოწვეული ბავშვების მსხვერპლის და დაშავების გამო.

განთავსების თარიღი: 29.03.2017
 

24.03.2017 - 2017 წლის 24 მარტს, ქ. ჟენევაში  გაერო-ს ადამიანის უფლებათა საბჭომ 34-ე სესიის ფარგლებში მიიღო რეზოლუცია “თანამშრომლობა საქართველოსთან”. საქართველოს მიერ ინიცირებული რეზოლუციის თანა-სპონსორი გახდა 43 სახელმწიფო.

განთავსების თარიღი: 27.03.2017
 

საქართველოს საგარეო საქმეთა მინისტრის მოადგილე, ბატონი დავით ჯალაღანია, მ.წ. 21-24 მარტს, საქართველო-იაპონიას შორის ორმხრივი პოლიტიკური კონსულტაციების მეცხრე რაუნდის ფარგლებში, ვიზიტით ტოკიოს ეწვია.

 

განთავსების თარიღი: 27.03.2017
 

13 მარტს იამანაშის პრეფექტურის, ქ.კოშუში საქართველოს ელჩმა, დოქტორ ლევან ცინცაძემ შეხვედრა გამართა ქ. კოშუს მერთან, ბ-ნ აცუში ტანაბესთან. ქ, კოშუ წარმოადგენს იაპონიაში ღვინისა და სასოფლო სამეურნეო ნაწარმის ერთ-ერთ მთავარ მწარმოებელს.

 

განთავსების თარიღი: 14.03.2017
 

2017 წლის 12 მარტს ოკუპირებულ აფხაზეთის რეგიონში ტარდება ე.წ. საპარლამენტო არჩევნები. აღნიშნული ქმედება წარმოადგენს ეთნიკური წმენდის არაერთი ტალღის, სამხედრო ინტერვენციის, ოკუპაციისა და საქართველოს სახელმწიფოებრიობის წინააღმდეგ მიმდინარე რუსეთის აგრესიის შედეგების ლეგიტიმაციის მორიგ მცდელობას. შესაბამისად, საერთაშორისო სამართლის თანახმად, ოკუპირებულ ტერიტორიებზე ჩატარებული ნებისმიერი ე.წ. არჩევნები თუ რეფერენდუმი არის უკანონო და ვერ წარმოშობს ვერანაირ სამართლებრივ შედეგს

განთავსების თარიღი: 14.03.2017
 

7-10 მარტს საქართველომ მონაწილეობა მიიღო, იაპონიაში გამართულ სასმელების და კვების პროდუქტების საერთაშორისო გამოფენაში “FOODEX JAPAN 2017”. ღონისძიების ფარგლებში, საქართველოს ეკონომიკისა და მდგრადი განვითარების სამინისტროს მეწარმეობის განვითარების სააგენტოს, სოფლის მეურნეობის სამინისტროს ღვინის ეროვნული სააგენტოს და საქართველოს საელჩოს ორგანიზებით მოეწყო ქვეყნის ეროვნული სტენდი, რომელზეც წარმოდგენილ იქნა 12 ქართული ღვინის და საკვები და სასმელი პროდუქტების მწარმოებელი კომპანია.

 

განთავსების თარიღი: 08.03.2017
 

13 დასახელების ქართულმა ღვინომ იაპონიის დედაქალაქ ტოკიოში, საერთაშორისო კონკურსში „საკურა“ (The 4th “Sakura” Japan Women’s Wine Awards 2017) უმაღლესი ჯილდოები -  ორმაგი ოქრო, 7 ოქროს და 5 ვერცხლის მედალი დაიმსახურა.

განთავსების თარიღი: 15.02.2017
 

09.02.2017 აშშ, ვაშინგტონი - აშშ-ს ახალი ადმინისტრაცია მხარს უჭერს საქართველოს რეფორმების კურსს და სათანადოდ აფასებს ქვეყნის სიმტკიცეს და საერთაშორისო ძალისხმევას - ამის შესახებ თეთრ სახლში გამართულ შეხვედრაზე უსაფრთხოების საკითხებში ამერიკის პრეზიდენტის მრჩეველმა გენერალმა მაიკლ ფლინმა განაცხადა. 

განთავსების თარიღი: 14.02.2017
 

10.02.2017 აშშ, ვაშინგტონი - საქართველო არის ამერიკის შეერთებული შტატების  მტკიცე პარტნიორი და მოკავშირე არა მხოლოდ რეგიონში არამედ გლობალურად - აღინიშნა საქართველოს საგარეო საქმეთა მინისტრის მიხეილ ჯანელიძისა და ამერიკის სახელმწიფო მდივნის რექს ტილერსონის შეხვედრაზე, რომელიც ვაშინგტონში 2017 წლის 10 თებერვალს საქართველოს საგარეო უწყების ხელმძღვანელის ვიზიტის ფარგლებში გაიმართა.  

 

 

 

 

 

 

 

განთავსების თარიღი: 14.02.2017
 

9 თებერვალს იაპონიის დაბა ჰაკუბაში საქართველოს ელჩმა, დოქტორ ლევან ცინცაძემ შეხვედრა გამართა ჰაკუბას მერთან, ბ-ნ მასატაკე შიმოკავასთან. დაბა ჰაკუბა წარმოადგენს მაღალმთიან სათხილამურო კურორტს, რომელიც ზაფხულშიც დიდი პოპულარობით სარგებლობს. 

განთავსების თარიღი: 13.02.2017
 
კვ ორ სა ოთ ხუ პა შა
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ